اعلان عن كورسات في مجال الارشاد الاسري

  ان شاء الله نويت ادي كورسات في مجال الارشاد الاسري

بس طبعا على طريقتي المميزة الممنهجة

المختلفة تماما عن طرق ومناهج واساليب الجماعة بتوع علم النفس والاجتماع

معلش هنأجل الكورس بتاع الخلع اللى كتير منكم طلبوه

اللي كان عنوانه " اخلعي يا ولية ..مش وحشاكي الحرية ؟! "

واول كورس هنعلن عنه الفترة دى عن الطلاق هيكون بعنوان:

حرية وانطلاق بعد يمين الطلاق

ستحصل المشاركة في نهاية الكورس على قسيمة طلاق باذن الله

وميدالية صفيحية عليها صورة دراكولا

وعلبة فضية فيها مزيل مكياج ومزيل طلاء اظافر

ودعوة لحضور حفل نسائي صاخب هتحييه الفنانة اللي كلكم بتحبوها " مي الخرستيتي "

وشنطة سفر مليانة سيديهات اغانى حزينة وكئيبة للفنان " مصطفى كامل "

وشهادة بعدم الرغبة مطلقا في الحياة الاسرية

مع امكان.توثيق الشهادة من وزارة التموين برسوم مخفضة

بادري بالحجز ..

احجزى مقعدك من الآن

فالاعداد محدودة جدا

سبتمبر 23, 2025