لما تحتار بين كذا حاجة
لما تحتار بين كذا حاجة
تبقى على نار
تيجي تختار
ترجع تحتار
والآخر ما تختارشي حاجة
وتقول هاختار
لازم لي قرار
فترجع تحتار
تنتابك حالة من السذاجة
هو انا نرفوذ ؟
لا أنا مهزوز
وآدي لاوية بوز
لا لا أنا حلو ما فياش حاجة
أنا لو فكرت
بقا وقررت
هابقى اتهورت ؟
لازم اقرر من باب الحاجة
تبقى زاهد
سارح شارد
تايه قاعد
ف الضبعة ودماغك فـ سفاجة
ماشي الطريق
حاسس بشيء
غريب بضيق
بتفاهة بخوف بقلق بسذاجة
مش فاهم ليه
والآخر ايه ؟
هتقول لي عليه ؟
الآخر ما تختارشي حاجة
سبتمبر 23, 2025
