اعلان شرابات حريمي
قبل على نفسه إنه يحلق شعر رجله
ويلبس شرابات حريمي
ويصور بيها إعلانات
......
وبعد ما بقا عنده فلوس كتير جدا جدا من الإعلانات
....
بقا يطلع لنا كل شوية في اليوتيوب والقنوات الفضائية إياها
يعايرنا بفقرنا
ويطلب مننا اننا نجتهد أكتر ونصبر أكتر
عشان نوصل للثروة والنجاح زيه
.....
ويقول لنا إن هو عمل ثروة كبيرة أوي بصباع رجله
مع إن هو كداب
لأن هو عامل الثروة دي بسمانة رجله مش بصباع رجله
.....
كل شوية يطلع يقول لنا إن هو جامد أوي وغني أوي وناجح أوي
واحنا مش فاهمين هو نجح ف أيه ؟
واتغنى ازاي ؟
واللي فاهمين بيستغربوا من ان النجاح والفلوس يجوا ف الآخر لواحد نكرة زي دا
كل إنجازه في الحياة إنه حلق شعر رجله
وصوّر إعلانات شرابات حريمي
....
وبعدين المفروض إن الناجح - زي ما قال عبد الحليم حافظ زمان - يرفع إيده
مش يرفع رجله
....
ما علينا من إنه بقا غني ومشهور
كل دا مش مهم الله يبارك له
مش هنحسد حد
.....
اللي غايظني أنا شخصيا
إن فيه رجالة كتير جدا وأسوياء للأسف
كانوا معجبين أوي ومستثارين جدا
برجله الحلوة الناعمة اللي كل شوية تظهر في الإعلان
واللي غايظني أكتر
إن فيه ستات كتير جدا وعاقلين للأسف
كانوا متضايقين أوي ومتغاظين جدا
إن رجليهم مش حلوة زي رجل الجدع اللي عمل الإعلان
....
الإعلام بيوجه رغباتنا الحسية والمادية يا جماعة خلو بالكم
وطول ما انتو سايبين نفسكم للإعلانات والإعلام اللي كلنا عارفينه
مش بعيد إنكم أول ما تشوفوا الجدع اللي حكيت لكم عنه في الإعلان دا ماشي في الشارع
تجروا عليه وتتخانقوا مع بعض في سبيل إنكم تتصوروا جمب رجله
وساعتها بس هتبقوا رحتوا ف الرجلين زي اللي راحوا
......
كل التحية لكل شخص عاقل
فهم مضمون هذا البوست
ورجل الجدع اللي ظهرت في البوست دا
ما شوشرتش على تركيزه
سبتمبر 23, 2025
