ما تخافش انك ترتبط
خد الخطوة
خوض التجربة
ارتبط بالبنت اللى انت بتحبها
حتى لو كان بينكم
خلافات كتيرة
واختلافات كبيرة
.....
حتى لو أهلك وأهلها مش راضيين
عن العلاقة اللي بينك وبينها
كمل معاها
وإتجوزها
.....
واستمتع معاها بجو الخلافات الأسرية والعائلية
إطمن
هيجي عليك يوم تبقى عاوز تفارقها
ما تشغلش بالك
...
هادلك على محامي أحوال شخصية كويس
....
ولو جه عليك يوم واتفقرت وفلست
بسبب فشل علاقتك العاطفية أو الأسرية
اطمن
هادلك على أسواق تديك الحاجة بالتقسيط المريح
....
ولو جه عليك يوم واتجننت من كتر المشاكل اللى بتواجهك في العلاقة دي
اطمن
هادلك على مستشفى أمراض عقلية أسعارها مناسبة
بنودي فيها الناس اللى ارتبطوا ببعض عن حب كل فترة
وبقا لينا حبايبنا كتير هناك
.....
انت عارف فيه كام واحد خسران بسبب قرارك بعدم الارتباط بواحدة ؟!
كام.محامي أحوال شخصية مستنيك ترتبط عشان تتجوز
وتحصل خلافات بينك وبين مراتك
فترفعوا على بعض قضايا
وبالتالي محامي الاحوال الشخصية دا يشتغل وتبقى انت زبون دايم عنده ؟!
كام مستشفى امراض عقلية مستنياك ترتبط
عشان تتجوز وتحصل خلافات بينك وبين مراتك
فتتجنن انت بسببها
وبالتالي مستشفى الأمراض العقلية دي تشتغل وتبقى انت زبون دايم عندها ؟!
كام محل بيبيع بالقسط مستنيك ترتبط
عشان تتجوز وتحصل خلافات بينك وبين مراتك ؟
فتفلس انت وتتفقر
وبالتالي محل البيع بالقسط دا يشتغل وتبقى إنت زبون دايم عنده
+++
شوف بسبب قرارك بعدم الارتباط
كام واحد
وكام فئة مش لاقيين شغل ؟!!
+++
انت السبب في وقف حال الناس دي على فكرة
منك لله
أنا بانصحك لوجه الله
عشان باحبك والله ربنا يعلم وباقول لك :
ما تخافش انك ترتبط
مارس 03, 2025
